ҚФФ бас хатшысы қызметінен кете ме?
2
Қазақстан футбол федерациясы Азамат Айтхожиннің бас хатшы қызметінен кететіні туралы қауесетті жоққа шығарды, деп хабарлайды Prosports.kz.
«Кейбір ақпарат көздері ҚФФ бас хатшысы Азамат Айтхожиннің қызметінен кететіндігі туралы ақпарат таратқан.
Қазақстан футбол федерациясы бұл ақпарат шындыққа жанаспайтынын хабарлайды. Азамат Серікұлы жұмысын әдеттегідей жалғастырып жатыр.
ҚФФ баспасөз қызметі тек ресми дереккөз таратқан ақпаратқа ғана сенуге шақырады», – делінген ресми хабарламада.
