«Маккаби» ойыншысы Рикан: «Өз стадионымыз бен климаттың арқасында шаруаны аяғына дейін жеткіземіз деп сенемін»
Тель-Авивтік «Маккаби» жартылай қорғаушысы Ави Рикан қарағандылық «Шахтерға» (2:1) қарсы өткен Конференция лигасы плей-офф кезеңінің бірінші ойнына қатысты өз ойын білдірді.
– Біз – еурокубоктердің топтық кезеңдеріне үнемі қатысуға ұмтылатын үлкен клубпыз және біз бүгін осы мақсатқа жету жолында маңызды қадам жасадық деп санаймын. Бұл тек бірінші матч қана. Келесі аптада тағы бір ауыр ойын болмақшы. Өз стадионымыз бен климатымыздың арқасында шаруаны аяғына дейін жеткіземіз деп сенемін.
Иден Шимер үшін қуаныштымын, оның арамызға қосылғанына бірнеше күн болса да, гол соғып көзге түсті. Біз үшін бұл маңызды болды, әрі біз келесі ойынға талпынып отырмыз.
Біз жақсы қорғаушылары бар өте тактикалық командамен кездесетінімізді білдік. Бірақ шабуыл стилімізден әлдеқайда көп дүние шығара алатынымызға және ойыннан-ойынға бұл көрініс таба беретініне сенімдімін.
