Балашов «Жетісуды» жеңгеннен кейін: «Мен тағы гол соғар едім. Мұнымен тоқтауға болмайды»
«Ақтөбенің» шабуылшысы Виталий Балашов ҚПЛ-дің 22-турының «Жетісуға» қарсы ойын (2:0) туралы өз пікірімен бөлісті.
– Виталий, жеңіспен және «Ақтөбе» сапындағы дебюттік голыңызбен! Матчтан кейінгі көңіл-күйіңіз қандай?
– Құттықтауларыңызға көп рахмет! Матчтан кейін тек позитивті эмоциялар қалды. Сол рухпен жалғастырғым келеді. Гол соқтым, иә, тағы гол соғар едім. Мұнымен тоқтауға болмайды. Келесі ойын «Қайсармен» болады. Осы матчқа қалай дайындалдық, дәл солай дайындаламыз. Қызылордада біз тек жеңіс үшін ойнаймыз.
– Бірінші тайм қызықты болды. Ал екінші таймды қарсылас жақсырақ өткізді. Бұған сіздің пікіріңіз қандай?
– Айту қиын. «Қарсылас жақсырақ өткізді» нені білдіреді? Мен олай айтпас едім. Бас бапкермен теориялық сабақ болады. Отырып, қателерді талдаймыз. Ол бізге не дұрыс жасадық және не дұрыс емес жасадық айтып береді. Мүмкін тым қорғанысқа отырып ойнадық. Талдау жасап, әрі қарай жылжимыз.
– Бас бапкер бірінші таймнан кейін командаға не айтты? Екінші таймға қандай план болды?
– Киіну бөлмесінде бапкер бізге қорғаныста сауатты ойнау керектігін айтты. Ойынды жеңіске жеткізу.
– Соңында біздің жанкүйерлерге не айтар едіңіз?
– Мен ақтөбелік жанкүйерлер туралы көп естідім. Олардың Қазақстанда ең үздік жанкүйерлер екенін білемін. Толған стадионда ойнау әрқашан күшті. Оларға тек алғыс сөздер айта аламын. Әр ойын сайын көрермендерді стадионға көбірек тартуға тырысамыз.
