Алвеш «Омонияға» қарсы ойында «Қайраттың» үздік ойыншысы атанды
2
SofaScore аналитикалық порталы «Қайрат» – «Омония» матчындағы ойыншылардың бағаларын жариялады.
«Қайрат» сапында кездесудің үздік ойыншысы 7,6 рейтингімен португалдық Рикарду Алвеш атанды, ол 3 рет допты тартып алған және 78% дәл пас берді. Екінші орында қақпашы Стас Покатилов, ол өз командасын үш рет голдан құтқарды. Оның рейтингі – 7,4. Беларусь құрамасының жартылай қорғаушысы Денис Поляков 7,3 рейтингімен үздік үштікке енді.
«Омония» құрамында чехиялық Ян Лецякс (7,6) үздік ойын көрсетті. Үштікке – тағы бір қорғаушы Адам Лонг (7,5) және қақпашы Фабиано (7,5) енді.
