Бачек испандық «Антекера» сапындағы бірінші ресми матч өткізді
2
20 жастағы қазақстандық вингер Дмитрий Бачек испандық «Антекера» сапындағы алғашқы кездесуін өткізді.
Қазақстандық Испания чемпионатының төртінші дивизионының бірінші турында «Кориямен» сырт алаңда ойнады. Ол ойынның 77-ші минутында ойынға шықты, оның командасы 0-2 есебімен ұтылды.
Естеріңізге сала кетейік, Дмитрий Бачек 24-тамызда «Антекераға» еркін агент ретінде ауысқан болатын. Бұған дейін қазақстандық футболшы Испанияда «Побленсе» сапында ойнаған. Бачек – Қарағандылық «Шахтердің» түлегі. Қазақстан жастар құрамасының сапына шақырылып жүр. Transfermarkt сайты ойыншыны 100 мың еуроға бағалап отыр.
