ФИФА ұлттық құрамаларға әлем чемпионатын екі жыл сайын өткізу туралы ұсыныс хат жолдады
Келесі әлем чемпионатына 48 команда қатысады деп күтілуде.
ФИФА ұлттық федерацияларға әлем чемпионатын екі жылда бір рет өткізу туралы ұсыныс жазылған құжат жіберді, деп хабарлайды Cadena SER.
Өзгерістерді 2026 жылғы әлем чемпионатынан кейін қабылдау ұсынылады. Сонымен қатар, ФИФА жіберген хатта әлем чемпионатының жаңа күнтізбесі туралы айтылған, оған сәйкес ойыншылар жылына 50 емес, ұлттық құрамаларда 30 күн өткізеді. Ұйым сонымен қатар әлем чемпионатының іріктеу кезеңіндегі матчтар санын қысқартуды ұсынды.
Бұған дейін екі жылда бір рет әлем чемпионатын өткізу туралы ұсынысты жақтап келген ФИФА басшысы Джанни Инфантино бұл идеяның басты артықшылықтарының қандай екенін айтты. Оның айтуынша, 2026 жылы басталатын әлем чемпионатына 48 команданың қатысуы қазірдің өзінде шешілген мәселе екен, ал әлем чемпионатын екі жылда бір өткізу мәселесі әлі талқылануда.
